კსუ-ში სტუდენტებს მომხმარებელთა ინტერესების საზოგადოებრივი დამცველი შეხვდა

24 ნოემბერს კავკასიის საერთაშორისო უნივერსიტეტის სტუდენტებს მომხმარებელთა ინტერესების საზოგადოებრივი დამცველი, გვანცა ჩხეიძე შეხვდა.

უნივერსიტეტის ინფორმაციით, საინფორმაციო ხასიათის ონლაინ შეხვედრა – „იცნობდე შენს უფლებებს კომუნიკაციების სფეროში“ – მიზნად ისახავდა მომხმარებელთა ცნობიერების ამაღლებას სატელეკომუნიკაციო სფეროში.

კომუნიკაციების ომბუდსმენმა შეხვედრის მონაწილეებს მიაწოდა ინფორმაცია სამსახურის საქმიანობის შესახებ. ასევე, გააცნო კანონმდებლობით მინიჭებული უფლებები, კომპანიების ვალდებულებები, საჩივრის/განცხადების განხილვის წესები/ვადები და სხვა მნიშვნელოვანი საკითხები.

კავკასიის საერთაშორისო უნივერსიტეტის სხვა ამბები