მდინარაძის აზრით, პრეზიდენტს ხალხის რეაქციამ აიძულა ევროპარლამენტში ტონი შეერბილებინა 

მამუკა მდინარაძე, პარლამენტში ფრაქცია “ქართული ოცნების” თავმჯდომარე პრეზიდენტ სალომე ზურაბიშვილის ევროპარლამენტში გამოსვლას აფასებს და ამბობს, რომ მისი ტონი დღეს “გაცილებით დარბილებული იყო”. 

“შერბილებული ტონი უზრუნველყო ხალხის აბსოლუტურმა სწორმა რეაქციამ. ოღონდ ერთი უნდა დავამატო. ქალბატონ სალომეს ალბათ უნდა ავუხსნათ, რომ როცა საქართელოს პარლამენტში გამოდის, 26 მაისის ღონისძიებაზე როცა გამოდის –  ეს ყველაფერიც გადის ქვეყნის ფარგლებს გარეთ. ამიტომ აქ სხვანაირი ლაპარაკი, იქ სხვანაირი, შედარებით დაბალანსებული, ერთიდიაგივეა”, – განაცხადა მდინარაძემ 31 მაისს.