რუსეთის თავდაცვის სამინისტროს განცხადებით, 12 აგვისტოს, დღის განმავლობაში, უკრაინის ორი სარაკეტო თავდასხმა მოიგერიეს, რომელთა მიზანი ყირიმის ნახევარკუნძულისა და რუსეთის დამაკავშირებელი ხიდის განადგურება იყო.
როგორც რუსული მხარე აცხადებს, მათ რაკეტების განადგურება მიზანთან შეჯახებამდე მოასწრეს. სოციალური ქსელებით თვითმხილველებმა გაავრცელეს ფოტო-ვიდეო მასალები, რომლებშიც კვამლში გახვეული ხიდი ჩანს. თუმცა, რუსეთის თავდაცვის სამინისტროს ცნობით, ხიდი არ დაზიანებულა და არც ვინმე დაშავებულა.
რუსეთი ყირიმის ხიდის განადგურების არაერთ მცდელობაში უკრაინას ადანაშაულებს, თუმცა უკრაინულ მხარეს ბოლო ინციდენტთან დაკავშირებით კომენტარი არ გაუკეთებია.
ფოტოზე: ადგილობრივები კვამლში გახვეულ ყირიმის ხიდს უყურებენ.
Telegram: официальный канал СМИ newstbilisi.info
Facebook: официальная страница СМИ newstbilisi.info
