საქართველოში უკრაინელი ტელეწამყვანი არ შემოუშვეს

როგორც ტელეკომპანია „პირველის“ პროდიუსერი, ამიკო პარასკევაშვილი აცხადებს, ქვეყანაში არ შემოუშვეს უკრაინელი ტელეწამყვანი, რომა დრიბნოი.

მისი განცხადებით, დრიბნოის მონაწილეობა უნდა მიეღო საქველმოქმედო აქციასა და უნდა ესაუბრა „ტვ პირველის“ ერთ-ერთ გადაცემაში, თუმცა ჩამოფრენის შემდეგ მას საქართველოში შემოსვლის უფლება არ მისცეს და უკან გააბრუნეს.

„ნეტგაზეთი“ დაუკავშირდა საქართველოს შინაგან საქმეთა სამინისტროს, თუმცა მომხდარის შესახებ უწყებაში არ საუბრობენ.

შსს-დან დამატებითი პასუხების მიღების შემთხვევაში, მასალა განახლდება.