2022 წლის ბიუჯეტში სასკოლო საზოგადოების ხელფასებისთვის დამატებით 10 მილიონი ლარი გამოიყო

საქართველოს პარლამენტში 12 ნოემბერს გამართულ საფინანსო-საბიუჯეტო სხდომაზე 2022 წლის ბიუჯეტის გადამუშავებული ვერსიისა და მასთან დაკავშირებული საკითხების განხილვა გაიმართა.

მომხსენებელმა, ფინანსთა მინისტრის მოადგილე გიორგი კაკაურიძემ, სხდომაზე განაცხადა, რომ განათლებისა და მეცნიერების სამინისტროს დაფინანსება 22,3 მილიონი ლარით არის გაზრდილი, საიდანაც 10 მილიონი ლარი სკოლის ადმინისტრაციული პერსონალისა და იმ პირთა ხელფასების მატებისთვისაა გათვალისწინებული, ვის შესახებაც ფინანსთა მინისტრმა გასულ დღეებში ისაუბრა.

„განათლებისა და მეცნიერების სამინისტროს დაფინანსება გაზრდილია 22, 3 მილიონი ლარით, აქ გათვალისწინებულია სკოლების დაფინანსებაში დამატებით 10 მილიონი ლარი. მათ შორის გათვალისწინებულია, მასწავლებლების ხელფასები, რომელიც ისედაც იყო დაგეგმილი, თუმცა, ამ შემთხვევაში უკვე სკოლის ადმინისტრაციული პერსონალის ხელფასების მატებაზეც არის რესურსი გათვლილი, ასევე, მანდატურების და სკოლაში არსებული მანდატურის სამსახურის ფსიქოლოგებისა და სოცმუშაკების ხელფასების ზრდაც არის გათვალისწინებული ბიუჯეტის გადამუშავებულ ვერსიაში“, – განაცხადა გიორგი კაკაურიძემ.

როგორც გიორგი კაკაურიძემ მოხსენებისას აღნიშნა, განათლების სფეროს დაფინანსება მომდევნო წელს, წლევანდელთან შედარებით გაზრდილია დაახლოებით 112 მლნ. ლარის ოდენობით. გაზრდილია თითქმის ყველა მიმართულება, სკოლამდელი და ზოგადი განათლება, დაახლოებით 90 მლნ. ლარითაა გაზრდილი, რომელიც აერთიანებს მასწავლებელთა ხელფასების რაოდენობის ზრდასაც.

როგორც ფინანსთა მინისტრის მოადგილე გიორგი კაკაურიძემ შეჯამებისას აღნიშნა, მთლიანად განათლების სისტემის დაფინანსებაზე მიმართულია მშპ-ს 3.8%, ეს ციფრი გაიზარდა, დაახლოებით 3.5% იყო და აუცილებელია შემდგომი ზრდა მიბმული იყოს ხარისხის გაზრდასა და ეფექტურობის გაზრდაზე ყველა მიმართულებით.

განხილვისა და კითხვა-პასუხის შემდეგ, განათლებისა და მეცნიერების კომიტეტის წევრებმა მხარი დაუჭირეს საქართველოს მთავრობის მიერ საკანონმდებლო ინიციატივის წესით წარმოდგენილ საქართველოს კანონის პროექტს ,,საქართველოს 2022 წლის სახელმწიფო ბიუჯეტის შესახებ“ (თანდართულ მასალებთან ერთად) მომხრე 7 და წინააღმდეგი 0.

ასევე იხილეთ:

როდის გაეზრდებათ 10%-ით ხელფასები მასწავლებლებს, სკოლის ადმინისტრაციასა და მანდატურებს – მინისტრის განმარტება

„არ მგონია საზეიმოდ გვქონდეს საქმე, ხელფასის 10%-ით მატებასთან ერთად, ცხოვრებაც ძვირდება“ – როგორ ხვდება სასკოლო საზოგადოება 2022 წლის იანვარს

მოამზადა რუსკა ადვაძემ

Комментарии в Facebook

NewsTbilisi

Информационное агентство NewsTbilisi было создано в 2015 году для объективного освещения политических и социально-экономических процессов на Евразийском континенте.