კიევში შეტაკებებს 6 წლის ბავშვი ემსხვერპლა – CNN

კიევში შეტაკებებს 6 წლის ბიჭი ემსხვერპლა. ინფორმაციას ამის შესახებ CNN ავრცელებს.

გამოცემა წერს, რომ სროლისა და შეტაკებებისას ერთი ბავშვი დაიღუპა, რამდენიმე სამოქალაქო პირი კი დაშავდა. როგორც ოხმადიტის საავადმყოფოს ექიმმა CNN-ს განუცხადა, დაშავებულებს შორის ორი მოზარდი და სამი ზრდასრულია.

მე-4 დღეა, რუსეთი უკრაინის წინააღმდეგ სრულმასშტაბიან ომს აწარმოებს. რუსული ჯარები უკრაინაში შეიჭრნენ სამი მხრიდან — ჩრდილოეთიდან (ბელარუსი), აღმოსავლეთიდან (დონეცკი-ლუგანსკი) და სამხრეთიდან (ყირიმი).

პარალელურად, არტილერია და ავიაცია ბომბავს უკრაინის ქალაქებს, მათ შორის, დედაქალაქ კიევს. რუსეთის პრეზიდენტი ვლადიმირ პუტინი აცხადებს, რომ მათი მიზანი „უკრაინის დემილიტარიზაცია და დენაციფიკაციაა.