სამი მაგალითი აბიტურიენტებს – როგორ გავარედაქტიროთ ტექსტი

2022 წლის ერთიანი ეროვნული გამოცდები 4 ივლისს, ქართული ენისა და ლიტერატურის გამოცდით დაიწყება. ტექსტის რედაქტირების დავალება ქართულის ტესტებში პირველია და ის 16 ქულით ფასდება.

EDU.ARIS.GE-მ უკვე გაგიზიარად სპეციალისტის გაკვეთილი, რომელშიც ის დეტალურად გვიხსნის, რომელია ყველაზე გავრცელებული შეცდომები ტექსტის რედაქტირებისას და რა უნდა გაითვალისწინონ აბიტურიენტებმა, რომ მოწოდებული ტექსტის გასწორებისას შეცდომა არ დაუშვან.

ტექსტის რედაქტირება – რამდენი შეცდომა უნდა იპოვოს აბიტურიენტმა დავალებაში და რაში დააკლდება ქულა

დღეს კი, საქართველოს ეროვნული ბიბლიოთეკის მიერ, გამოქვეყნებული სამი ტექსტის მაგალითს წარმოგიდგენთ, რომლის წყაროა ელზა კაჭარავას წიგნი ქართული ენა და ლიტერატურა.

სარედაქტირებელი ტექსტი 1

პალიკარნასის მავზოლეუმის შენობა ძველი წელთაღრიცხვის მე-IV საუკუნეში ააშენეს, როგორც ქალაქ პალიკარნასის მმართველის მავსოლეს, აკლდამა. მეცნიერების აზრით მშენებლობა მავსოლეს სიცოცხლეში დაიწყო მაგრამ კარიის მმართველმა მისი დასრულება ვერ მოასწრო. მის პატივსაცემად აკლდამას მავზოლეუმი უწოდეს. მავზოლეუმი საბოლოო სახით დაასრულა მავსოლეს ცოლმა, არტემისიამ. ეს იყო ბერძნულ ტაძრის მსგავსი ნაგებობა რომელსაც ამკობდა მარმარილოს კოლონები და ქანდაკებები. რელიეფური სამკაულები ტაძარისთვის შექმნეს იმ დროინდელმა საუკეთესო მოქანდაკე სკულპტორებმა. ნაგებობის თავზე იდგა საფეხურებიანი პირამიდა რომელზეც აღმართული იყო მავსოლესა და არტემისიას სკულპტურები. მავზოლეუმს ქვის ლომები სდარაჯობდნენ.

XIV საუკუნეში მავზოლეუმი მიწისძვრამ დაანგრია. ჯვაროსნული ორდენის რაინდები მავზოლეუმის ქვებს ციხე სიმაგრეების ასაშენებლათ იყენებდენ, მძარცველებიმ კი მოახდინეს სამარხების გაძარცვა. XIX საუკუნის 50-ან წლებში არქეოლოგებმა აღმოაჩინეს მავზოლეუმის ნაშთები, რელიეფისა და ქანდაკებების ფრაგმენტები.

რედაქტირებული ტექსტი 1

პალიკარნასის მავზოლეუმი(2) ძველი წელთაღრიცხვის IV(1) საუკუნეში ააშენეს, როგორც ქალაქ პალიკარნასის მმართველის,(3) მავსოლეს, აკლდამა. მეცნიერების აზრით,(3) მშენებლობა მავსოლეს სიცოცხლეში დაიწყო,(3) მაგრამ კარიის მმართველმა მისი დასრულება ვერ მოასწრო. მის პატივსაცემად აკლდამას მავზოლეუმი უწოდეს. მავზოლეუმი საბოლოო სახით დაასრულა მავსოლეს ცოლმა, არტემისიამ. ეს იყო ბერძნული(1) ტაძრის მსგავსი ნაგებობა,(3) რომელსაც ამკობდა მარმარილოს კოლონები და ქანდაკებები. რელიეფური სამკაულები ტაძრისთვის(1) შექმნეს იმდროინდელმა(1) საუკეთესო სკულპტორებმა(2). ნაგებობის თავზე იდგა საფეხურებიანი პირამიდა,(3) რომელზეც აღმართული იყო მავსოლესა და არტემისიას სკულპტურები. მავზოლეუმს ქვის ლომები დარაჯობდნენ(1).

XIV საუკუნეში მავზოლეუმი მიწისძვრამ დაანგრია. ჯვაროსნული ორდენის რაინდები მავზოლეუმის ქვებს ციხე-სიმაგრეების(1) ასაშენებლად(1) იყენებდნენ(1), მძარცველებმა(1) კი სამარხები გაძარცვეს(2). XIX საუკუნის 50-იან(1) წლებში არქეოლოგებმა აღმოაჩინეს მავზოლეუმის ნაშთები, რელიეფისა და ქანდაკებების ფრაგმენტები.

(1) – აღნიშნავს მორფოლოგიურ-ორთოგრაფიულ და სინტაქსურ შეცდომებს;
(2) – სტილისტურ ხარვეზებს;
(3) – პუნქტუაციურ შეცდომებს.

სარედაქტირებელი ტექსტი 2

ელენე ახვლედიანი დაიბადა 1901 წლის 18 აპრილს, თელავში დიმიტრი ახვლედიანის, ცნობილი სამხედრო ექიმის, და ელისაბედი ერისთავის ოჯახში. ელენემ დაწყებითი განათლება წმინდა ნინოს სახელობის სასწავლებელში მიიღო. 1907 წელს ოჯახი საცხოვრებლათ თბილისში გადავიდა სადაც ქალთა მეორე გიმნაზიაში შეიყვანეს, რომლის დამთავრების შემდეგ სწავლა განაგრძნო თბილისის სამხატვრო აკადემიაში გიგო გაბაშვილის კლასში. იგივე წელს, როგორც აკადემიის სტიპენდიანტი მიავლინეს პარიზში სადაც კოლაროსის აკადემიაში სწავლობდა 1927 წლამდი. სწავლის დამთავრების შემდეგ მხატვარი სამშობლოში დაბრუნდა.

ელენე ახვლედიანიმ დიდი ამაგი შეიტანა პეიზაჟური მხატვრობის განვითარებაში. მისი პეიზაჟები გამოირჩევა ემოციურობით, რომანტიკულობით, ფერადოვანებით; განსაკუთრებული სიყვარულითაა შესრულებული თბილისის, სიღნაღისა და თელავის ძველი უბნის პეიზაჟები. მან თავისი კვალი დაამჩნია ქართულ სცენოგრაფიის განვითარებას, 1928 წლიდან ის ქუთაისის მარჯანიშვილის თეატრში მხატვრად მუშაობდა და 72 სპექტაკლის გაფორმება მოახდინა. მათს შორის აღსანიშნავია ზ. ფალიაშვილის „აბესალომ და ეთერი“, ზ. ანტონოვის „მზის დაბნელება საქართველოში“ და სხვა. ნაყოფიერად მუშაობდა წიგნის გრაფიკაშიც. მისი სახელობისაა თბილისის ბავშვთა სურათების გალერეა.

რედაქტირებული ტექსტი 2

ელენე ახვლედიანი დაიბადა 1901 წლის 18 აპრილს, თელავში,(3) დიმიტრი ახვლედიანის, ცნობილი სამხედრო ექიმის, და ელისაბედ(1) ერისთავის ოჯახში. ელენემ დაწყებითი განათლება წმინდა ნინოს სახელობის სასწავლებელში მიიღო. 1907 წელს ოჯახი საცხოვრებლად(1) თბილისში გადავიდა,(3) სადაც ქალთა მეორე გიმნაზიაში შეიყვანეს, რომლის დამთავრების შემდეგ სწავლა განაგრძო(1) თბილისის სამხატვრო აკადემიაში,(3) გიგო გაბაშვილის კლასში. იმავე(1) წელს, როგორც აკადემიის სტიპენდიანტი,(3) მიავლინეს პარიზში,(3) სადაც კოლაროსის აკადემიაში სწავლობდა 1927 წლამდე(1). სწავლის დამთავრების შემდეგ მხატვარი სამშობლოში დაბრუნდა.

ელენე ახვლედიანმა(1) დიდი ამაგი დასდო\წვლილი შეიტანა(2) პეიზაჟური მხატვრობის განვითარებაში. მისი პეიზაჟები გამოირჩევა ემოციურობით, რომანტიკულობით, ფერადოვნებით(1); განსაკუთრებული სიყვარულითაა შესრულებული თბილისის, სიღნაღისა და თელავის ძველი უბნების(1) პეიზაჟები. მან თავისი კვალი დააჩნია(2) ქართული(1) სცენოგრაფიის განვითარებას, 1928 წლიდან ის ქუთაისის მარჯანიშვილის თეატრში მხატვრად მუშაობდა და 72 სპექტაკლი გააფორმა(2). მათ(1) შორის აღსანიშნავია ზ. ფალიაშვილის „აბესალომ და ეთერი“, ზ. ანტონოვის „მზის დაბნელება საქართველოში“ და სხვა. ნაყოფიერად მუშაობდა წიგნის გრაფიკაშიც. მისი სახელობისაა თბილისის ბავშვთა სურათების გალერეა.

სარედაქტირებელი ტექსტი 3

ლუდვიგ ვან ბეთჰოვენი დაიბადა 1779 წელს გერმანიაში, ქალაქ ბონში. მამამ ბავშვობიდანვე შენიშნა ვაჟის მუსიკალური ნიჭი და გადაწყვიტა რაც შეიძლება მალე ეჩვენებინა მთელი ქვეყნისთვის მისი შვილი. მას უხასიათო ხასიათი ჰქონდა, მძინარე ბავშვს აღვიძებდა და აიძულებდა შვიდი რვა საათი ემეცადინა. რვა წლის ბეთჰოვენმა პირველი კონცერტი გამართა კიოლნში. ამ დროს ის უკვე უკრავდა კლავისინზე, ფორტეპიანოსა და ალტზე. ახალგაზრდა ბეთჰოვენს ორღანისტმა ქრისტიან ნეფემ გააცნო საუკეთესო კომპოზიტორთა შემოქმედება და დაეხმარა პირველი ნაწარმოების („ვარიაციები დრესლერის თემაზე“) გამოცემაში. 1787 წელს კომპოზიტორი შეხვდა მოცარტს რომელმაც მისი მოსმენის შემდეგ სთქვა, რომ მაზე მალე მთელი მსოფლიო ილაპარაკებდა. მართლაც, ბეთჰოვენმა დიდი წარმატება მოიპოვა.

კომპოზიტორს დღე მკაცრათ ჰქონდა დაგეგმილი დილით ძალიან ადრე დგებოდა და სადილობამდი მუშაობდა, დანარჩენი დროს ფიქრსა და იდეების დალაგებას ანდომებდა. ის მრავალ დაავადებებს ებრძოდა. 1796 წლიდან იგი დაყრუვდა მაგრამ შინაგანი სმენით ჰქმნიდა გენიალურ სიმფონიებს, სონატებს, უვერტიურებს. ბეთჰოვენის მეცხრე სიმფონია გახლავთ თავისუფლების სიმღერა, მოწოდება მომავალი თაობებისადმი. ბოლო წლები კომპოზიტორი ვენისგან მოშორებით ცხოვრობდა და მეათე სიმფონიაზე მუშაობდა. ის მძიმედ დაავადდა და სამკურნალოდ გაემგზავრა ვენაში სადაც რამდენიმე თვის შემდეგ, 1827 წლის 27 მარტს, ისე გარდაიცვალა, რომ ვერ მოასწრო ბოლო სიმფონიის დამთავრება.

რედაქტირებული ტექსტი 3

ლუდვიგ ვან ბეთჰოვენი დაიბადა 1779 წელს გერმანიაში, ქალაქ ბონში. მამამ ბავშვობიდანვე შენიშნა ვაჟის მუსიკალური ნიჭი და გადაწყვიტა,(3) რაც შეიძლება მალე ეჩვენებინა მთელი ქვეყნისთვის თავისი(1) შვილი. მას ცუდი ხასიათი/უხასიათო იყო(2) ჰქონდა, მძინარე ბავშვს აღვიძებდა და აიძულებდა შვიდი-რვა(1) საათი ემეცადინა. რვა წლის ბეთჰოვენმა პირველი კონცერტი გამართა კიოლნში. ამ დროს ის უკვე უკრავდა კლავისინზე, ფორტეპიანოსა და ალტზე. ახალგაზრდა ბეთჰოვენს ორღანისტმა ქრისტიან ნეფემ გააცნო საუკეთესო კომპოზიტორთა შემოქმედება და დაეხმარა პირველი ნაწარმოების („ვარიაციები დრესლერის თემაზე“) გამოცემაში. 1787 წელს კომპოზიტორი შეხვდა მოცარტს,(3) რომელმაც მისი მოსმენის შემდეგ თქვა(1), რომ მასზე(1) მალე მთელი მსოფლიო ილაპარაკებდა. მართლაც, ბეთჰოვენმა დიდ წარმატებას მიაღწია(2).

კომპოზიტორს დღე მკაცრად(1) ჰქონდა დაგეგმილი:(3) დილით ძალიან ადრე დგებოდა და სადილობამდე(1) მუშაობდა, დანარჩენ(1) დროს ფიქრსა და იდეების დალაგებას ანდომებდა. ის მრავალ დაავადებას(1) ებრძოდა. 1796 წლიდან იგი დაყრუვდა,(3) მაგრამ შინაგანი სმენით ქმნიდა(1) გენიალურ სიმფონიებს, სონატებს, უვერტიურებს. ბეთჰოვენის მეცხრე სიმფონია არის(2) თავისუფლების სიმღერა, მოწოდება მომავალი თაობებისადმი. ბოლო წლები კომპოზიტორი ვენიდან(1) მოშორებით ცხოვრობდა და მეათე სიმფონიაზე მუშაობდა. ის მძიმედ დაავადდა და სამკურნალოდ გაემგზავრა ვენაში,(3) სადაც რამდენიმე თვის შემდეგ, 1827 წლის 27 მარტს, ისე გარდაიცვალა, რომ ვერ მოასწრო ბოლო სიმფონიის დამთავრება.

ასევე იხილეთ:

განახლებადი ინფორმაცია გამოცდების შესახებ

გაწევრიანდი ჯგუფში “აბი გლუკოზა აბიტურიენტებისთვის” და გაიგე ყველა საჭირო სიახლე

Комментарии в Facebook

NewsTbilisi

Информационное агентство NewsTbilisi было создано в 2015 году для объективного освещения политических и социально-экономических процессов на Евразийском континенте.