სად აბარებენ მსოფლიო ვარსკვლავების შვილები, რომლებიც წელს აბიტურიენტები არიან

როგორი დაკავებულიც არ უნდა იყოს, ყველა მშობელი ცდილობს, არ გამოტოვოს თარიღები, რომლებიც მათი შვილებისთვის განსაკუთრებით მნიშვნელოვანია. სკოლის გამოსაშვები და უნივერსიტეტის მისაღები გამოცდები, მნიშვნელოვანი დღეების სიაში პირველ ადგილზეა. მღელვარე მშობელთა რიგებში მსოფლიო ვარსკვლავებიც არიან და როგორც ირკვევა, ბევრი მათგანი, მიუხედავად მძიმე გრაფიკისა, არცერთ მსგავს ღონისძიებას არ ტოვებს.

როგორც უცხოური მედია წერს, წელს უამრავი „სელებრითის“ შვილია აბიტურიენტი.

ჯესიკა ალბასა და ქეშ უორენის ქალიშვილი, ჰონორი

ჰონორი სკოლას ივნისში დაემშვიდობა. მშობლებმა ეს დღე არ გამოტოვეს და სკოლის გამოსაშვებ ღონისძიებაზე მოულოდნელად მივიდნენ. შვილის მეგობრებთან ერთად ფოტოებიც გადაიღეს და ინსტაგრამზე ატვირთეს. ჰონორის სურვილი ნიუ იორკის ხელოვნების უნივერსიტეტში მოხვედრაა.

ამერიკელი მსახიობის რიზ უიზერსპუნისა და რაიან ფილიპის შვილი, დიკენი

ვარსკვლავებმა შვილის სურვილით გადაწყვიტეს, რომ საკუთარი სახლის ეზოში მოეწყოთ სკოლის გამოსაშვები ცერემონია, რომელშიც მამა სკოლის დირექტორს თამაშობდა. ღონისძიებას ყველა კურსელი ესწრებოდა. ეს საჩუქარი დიკენმა საკუთარ კურსელებს გაუკეთა, რომლებიც მისი მშობლების ფანები არიან. მსახიობების შვილს ჩიკაგოს უნივერსიტეტში სურს ჩაბარება.

ტრევის ბარკერისა და შანა მოკლერის ვაჟი, ლონდონი

Blink-182 დრამერის, ტრევის ბარკერის შვილი წელს აბიტურიენტია, ლონდონს მამის მსგავსად მუსიკა აინტერესებს, თუმცა უნივერსიტეტში ჩაბარებას ჯერ არ ჩქარობს.

ქეით ჰადსონი და კრის რობინსონის ვაჟი, რაიდერი

მიუხედავად საზოგადოების დიდი ყურადღებისა, ქეითმა შვილის გამოსაშვები საღამო არ გამოტოვა და ღონისძიებას დაესწრო. ინსტაგრამზე ვრცელი პოსტიც დადო, რომელიც შემდეგი სიტყვებით იწყებოდა: „შენი აღზრდა იყო ჩემი ცხოვრების ერთ-ერთი უდიდესი საჩუქარი და სიამოვნება“. რაიდერს სამართლის მიმართულებით სურს სწავლის გარძელება.

გვინეტ პელტროუსა და კრის მარტინის ქალიშვილი, ეფლი

მიუხედავად იმისა, რომ წყვილი რამდენიმე წლის წინ განქორწინდა, ისინი ყველა საოჯახო ღონისძიებას ესწრებიან და არც შვილების მნიშვნელოვან თარიღებს ტოვებენ. ეფლი მოდელია და სამუშაო გრაფიკიდან გამომდინარე ჯერ არ გეგმავს უმაღლესი განათლების მიღებას.

ბილ და მელინდა გეიტსების ვაჟი, რორი

ოჯახს 3 შვილი ჰყავს, მათგან 2 სტუდენტია, რორი კი წელს გახდა აბიტურიენტი. გეიტსებისთვის ოჯახურ ტრადიციად იქცა სტენდფორდის უნივერსიტეტის დასრულება. დების მსგავსად რორიმ სტენფორდის ბიზნესს სკოლა აირჩია.

სხვა აბიტურიენტების მსგავსად, სანერვიულო ვარსკვლავების შვილებსაც ბევრი აქვთ, უმრავი გამოცდის ჩაბარება უწევთ და მშობლებთან ერთად მოუთმენლად ელოდებიან სასურველ უნივერსიტეტებში ჩარიცხვას.

ასევე იხილეთ:

განახლებადი ინფორმაცია გამოცდების შესახებ

გაწევრიანდი ჯგუფში “აბი გლუკოზა აბიტურიენტებისთვის” და გაიგე ყველა საჭირო სიახლე

მოამზადა მზეო შველიძემ