ნობელის მშვიდობის პრემია უკრაინულ და რუსულ ორგანიზაციებსა და ბელარუსელ აქტივისტს გადაეცათ
ნობელის მშვიდობის პრემია წელს ერთდროულად მიიღეს უკრაინულმა ორგანიზაცია „სამოქალაქო თავისუფლებების ცენტრმა“, რუსულმა ადამიანის უფლებათა ორგანიზაცია „მემორიალმა“ და ადამიანის უფლებათა ადვოკატმა, ბელარუსელმა ალეს ბიალიაცკიმ.
გადაწყვეტილება რამდენიმე წუთის წინ გამოცხადდა.
BREAKING NEWS:
The Norwegian Nobel Committee has decided to award the 2022 #NobelPeacePrize to human rights advocate Ales Bialiatski from Belarus, the Russian human rights organisation Memorial and the Ukrainian human rights organisation Center for Civil Liberties. #NobelPrize pic.twitter.com/9YBdkJpDLU— The Nobel Prize (@NobelPrize) October 7, 2022
ალეს ბიალიცკი ერთ-ერთი ინიციატორი იყო დემოკრატიული მოძრაობისა, რომელიც ბელარუსში 1980-იან წლებში გააქტიურდა. ნობელის კომიტეტის თანახმად, მან „თავისი ცხოვრება მიუძღვნა დემოკრატიის პოპულარიზაციას და მშვიდობიან განვითარებას საკუთარ სამშობლოში“. იგი 1996 წლიდან ხელმძღვანელობს ორგანიზაცია „ვიასნას“ („გაზაფხულს“).
„მემორიალი“ 1987 წელს დაფუძნდა საბჭოთა კავშირში. სსრკ-ს დანგრევის შემდეგ იგი რუსეთის უდიდეს არასამთავრობო ორგანიზაციად იქცა. მისი წარმომადგენლები აგროვებდნენ დოკუმენტაციას სტალინისტური ეპოქის მსხვერპლებზე; მოგვიანებით კი მოიპოვებდნენ ინფორმაციას პოლიტიკურ დევნასა და ადამიანის უფლებების დევნაზე რუსეთში. „მემორიალი“ დროთა განმავლობაში ყველაზე ავტორიტეტული წყარო გახდა რუსეთში პოლიტიკური პატიმრების შესახებ ინფორმაციის მოძიებისას.
შარშან ნობელის პრემია მშვიდობის დარგში ჟურნალისტებმა, ფილიპინელ-ამერიკელმა მარია რესამ და რუსმა დიმიტრი მურადოვმა („ნოვაია გაზეტა“) მიიღეს.
