მასწავლებლის სქემაში შესატან ცვლილებებზე მუშაობა დასრულებულია – მოესწრება თუ არა სიახლეების დამტკიცება 2022 წელს?

მასწავლებელთა პროფესიული განვითარების ეროვნულმა ცენტრმა მასწავლებლის პროფესიული განვითარებისა და კარიერული წინსვლის სქემაში შესატან ცვლილებებზე, რომელიც უმეტესად მენტორი და წამყვანი მასწავლებლების პრაქტიკული საქმიანობის შეფასებას უკავშირდება (მასწავლებლის პრაქტიკული საქმიანობის შეფასების შესახებ), მუშაობა დაასრულა. ამის შესახებ EDU.ARIS.GE-ს მასწავლებლის სახლში 8 დეკემბერს განუცხადეს.

შეფასების რა პროცესი უნდა გაიაროს მასწავლებელმა სტატუსის ასამაღლებლად – რა წერია სკოლებისთვის გაგზავნილ პროექტში

მათი ინფორმაციით, ახლა რამდენიმე ტექნიკური საკითხია დარჩენილი, რომელზე თანხმობასაც ელოდებიან და ამის შემდეგ, ცვლილებათა პაკეტი განათლებისა და მეცნიერების სამინისტროს უნდა გადაეგზავნოს, რომელიც თავის მხრივ, ვალდებულია, ცვლილებები მთავრობის სხდომაზე გაიტანოს.

ცვლილებების პროექტის გაცნობისა და საკუთარი მოსაზრებების გაზიარების შესაძლებლობა სკოლებს გასულ თვეში ჰქონდათ და გაითვალისწინა თუ არა მასწავლებლის სახლმა მათი შენიშვნები, დოკუმენტის გამოქვეყნების შემდეგ გახდება ცნობილი.

მასწავლებლის სქემის შესახებ შექმნილ მთავრობის დადგენილებაში ამჯერად შინაარსობრივი ცვლილებები მენტორი და წამყვანი მასწავლებლის სტატუსის მიმართულებით უნდა განხორციელდეს, თუმცა, როგორც EDU.ARIS.GE-მ გაარკვია, სქემაში სხვა ცვლილებებიც დამტკიცდება, მათ შორის სპეციალური მასწავლებლებისა და არაქართულენოვანი მასწავლებლების შესახებ.

„გამოცდის შედეგით შეფასდეს პედაგოგი და მიენიჭოს სტატუსი“ – მასწავლებლის სქემაში ცვლილებები სავარაუდოდ, წლის ბოლომდე განხორციელდება

EDU.ARIS.GE-ს კითხვაზე, მოესწრება თუ არა ცვლილებების დამტკიცება 2022 წლის ბოლომდე, მასწავლებლის პროფესიული განვითარების ცენტრში გვპასუხობენ, რომ წელს დამტკიცების მოლოდინი უფრო მაღალია, ვიდრე ვერ მოსწრების.

შეგახსენებთ, რომ ცვლილებათა პროექტში შემოთავაზებული იყო წამყვანი და მენტორი მასწავლებლის პროფესიული საქმიანობისა და შეფასების ძირითადი პრინციპები, მასწავლებლის პრაქტიკული საქმიანობის შეფასების ფორმა და კრიტერიუმები და მასწავლებლის პრაქტიკული საქმინობის შეფასების პროცესის ადმინისტრირების შესახებ ცვლილებები.

მასწავლებლის პროფესიული საქმიანობისა და შეფასების ძირითადი პრინციპები, მასწავლებლის პრაქტიკული საქმიანობის შეფასების ფორმა და კრიტერიუმები და მასწავლებლის პრაქტიკული საქმიანობის შეფასების პროცესის აღწერილობა ცვლილებათა პირველადი პროექტიდან, იხილეთ ჩვენს სტატიაში.

მასწავლებლის პროფესიული განვითარებისა და კარიერული წინსვლის სქემამ 2014 წლის შემდეგ არაერთი ცვლილება განიცადა.

ასევე იხილეთ:

ნინო ელბაქიძე: „ეძებეთ თქვენი შვილისთვის ახალგაზრდა, გამოუცდელი მასწავლებელი“

Комментарии в Facebook

NewsTbilisi

Информационное агентство NewsTbilisi было создано в 2015 году для объективного освещения политических и социально-экономических процессов на Евразийском континенте.