„სანერვიულო რა მაქვს, მეც ჰარვარდში არ ვაბარებდე“ – აბიტურიენტების შავ-თეთრი იუმორი მუხიანის 175-ე სკოლის საგამოცდო ცენტრიდან
EDU.ARIS.GE ტრადიციული „საგამოცდო მარგალიტების“ შეგროვებას 2022 წლის ზაფხულის გამოცდებზეც განაგრძობს.
დღეს ერთი კონკრეტული, მუხიანში განთავსებული 175-ე საჯარო სკოლის საგამოცდო ცენტრის ეზოში, აბიტურიენტებისგან გაგონილი შავ-თეთრი იუმორი უნდა გაგიზიაროთ, რომელსაც თუ კარგად დავუკვირდებით, არაერთ სერიოზულ და პრობლემურ თემაზე დაგვაფიქრებს:
– ბიჭებს ჯარში წასვლა არ გვინდა, გოგოებს გათხოვება.
– ისე, აქ სწავლას ჯარში წასვლა არ ჯობია?!
– ორი საათით ადრე მომიყვანა მამაჩემმა და პირდაპირ კარებთან დამტოვა, სხვაგან არ მოტყდეო.
– დედაჩემი შესაწირში ყრიდა ფულს, შენი იმედი არ მაქვსო.
– ოთხზე შილაქზე ვარ ჩაწერილი, მალე დაიწყოს რა გამოცდა.
– ბებიაჩემმა მითხრა მარჯვენა ფეხით შედიო.
– რომ შევალ ვიდეო გადამიღე, შესვლამდე ტიკ-ტოკზე უნდა დავდო.
– შენთან როგორი გოგოები იყვნენ ძმა?
– სანერვიულო რა მაქვს, მეც ჰარვარდში არ ვაბარებდე.
– გამოცდიდან რომ გამოვედი ხალხი მომვარდა, რა დაწერეო და მე ვუთხარი, ოროსანი ვარ არ მახსოვს მეთქი.
ასევე იხილეთ:
განახლებადი ინფორმაცია გამოცდების შესახებ
გაწევრიანდი ჯგუფში “აბი გლუკოზა აბიტურიენტებისთვის” და გაიგე ყველა საჭირო სიახლე
მოამზადა მზეო შველიძემ
