კინზინგერი საქართველოსთვის HIMARS-ის გადაცემას ითხოვს
რესპუბლიკელი სენატორი ადამ კინზინგერი საქართველოსთვის HIMARS-ების გადაცემას ითხოვს.
ამის შესახებ კინზინგერი Twitter-ზე წერს, სადაც აზიარებს უკრაინაში მებრძოლი „ქართული ლეგიონის“ ტვიტს HIMARS-ით რუსეთის იარაღის საწყობების აფეთქების შესახებ.
„რუსეთს საქართველოს 1/3 აქვს ოკუპირებული. ქართული ლეგიონი იცავს უკრაინას. როგორც ჩანს, მას შემდეგ, რაც რუსეთი დამცირდება უკრაინაში, შესაძლოა, მეორადი ცეცხლი გახსნას რუსეთის ოკუპირებულ მიწებზე. HIMARS საქართველოს!“ — წერს კინზინგერი.
Russia occupies 1/3 of the country of Georgia. The Georgian Legion is defending Ukraine….
It seems that after #Russia gets humiliated in #Ukraine, maybe there will be a fire sale on Russian occupied lands. HIMARS to Georgia! https://t.co/n7AGnHz5Uy
— Adam Kinzinger????✌️ (@AdamKinzinger) July 31, 2022
ამერიკის შეერთებულმა შტატებმა 8 ერთეული HIMARS გადასცა უკრაინას.
მრავალფუნქციური მოდულური სარაკეტო სისტემა HIMARS-ს შეუძლია, გამოიყენოს რამდენიმე ტიპის სხვადასხვა რაკეტა, ძირითადად, 227 მმ-იანი M26 ტიპის უმართავი რაკეტები ან M30/31 GMLRS სერიის მართვადი კორექტირებადი რაკეტები, რომლებსაც შეუძლია სამიზნეებს მისწვდეს 70-80-120 კმ-ზე, ხოლო უახლოეს მოდიფიკაციებში, გაზრდილი მანძილის GMLRS რაკეტებით — 150 კმ მანძილზე. ისინი დღესდღეობით საარტილერიო სისტემებში ყველაზე მაღალტექნოლოგიურ საშუალებად ითვლება. ასევე, ამ სისტემებს შეუძლიათ გაუშვან ოპერატიულ-ტაქტიკური ბალისტიკური რაკეტები, რომლებიც 300 კილომეტრამდე რადიუსში მოქმედებს.
