ამ შემთხვევებში 2022 წლის აბიტურიენტის სარეგისტრაციო განაცხადი გაუქმდება – დეტალები
2022 წლის აბიტურიენტებისთვის ერთიან ეროვნულ მისაღებ გამოცდებზე რეგისტრაცია 1-ელ მარტს დაიწყეს და პროცესი შესაბამისი წესების დაცვით, 4 აპრილის 18:00 საათამდე გაგრძელდება.
გამოცდაზე გასვლის მსურველმა აბიტურიენტებმა კი უნდა გაითვალიწინონ, რომ არსებობს გარემოებები, როდესაც მათი სარეგისტრაციო განაცხადი შეიძლება გაუქმდეს. ამ გარემოებებზე დეტალურად წერს შეფასებისა და გამოცდების ცენტრი:
რა შემთხვევაში გაუქმდება აბიტურიენტის სარეგისტრაციო განაცხადი?
აბიტურიენტის სარეგისტრაციო განაცხადი გაუქმდება ან რანჟირების დოკუმენტის შედგენისას მისი შედეგები არ იქნება განხილული, თუ მან:
- გამოცდამდე დაწერა განცხადება და მოითხოვა რეგისტრაციის გაუქმება (განცხადებას თან უნდა დაერთოს აბიტურიენტის პირადობის დამადასტურებელი დოკუმენტის ასლი);
- არ აქვს/ვერ მოიპოვა სრული ზოგადი განათლების დამადასტურებელი/მასთან გათანაბრებული დოკუმენტი;
- შესაბამის ვადებში არ წარმოადგინა სრული ზოგადი განათლების დამადასტურებელი დოკუმენტი, თუ სრული ზოგადი განათლების დამადასტურებელი დოკუმენტი მიღებულია 2011 წლამდე, ან თუ მის საგამოცდო ბარათზე დატანილია მოთხოვნა ატესტატის ცენტრში წარმოდგენის თაობაზე;
- შესაბამის ვადებში არ წარმოადგინა სრული ზოგადი განათლების ან მისი აღიარების დამადასტურებელი დოკუმენტი (აბიტურიენტებმა, რომლებმაც სრული ზოგადი განათლება ოკუპირებულ ტერიტორიაზე მიიღეს; აბიტურიენტებმა, რომლებსაც აქვთ საქართველოში განხორციელებული საზღვარგარეთ აღიარებული ზოგადსაგანმანათლებლო პროგრამის დაძლევის შედეგად გაცემული განათლების დამადასტურებელი დოკუმენტი, რომელიც გათანაბრებულია სრული ზოგადი განათლების დამადასტურებელ დოკუმენტთან და იძლევა განათლების შემდგომ საფეხურზე სწავლის გაგრძელების უფლებას);
აბიტურიენტებმა, რომლებმაც სრული ზოგადი განათლება უცხო ქვეყანაში მიიღეს, შესაბამისი განათლების აღიარების დოკუმენტი უნდა წარმოადგინონ შეფასებისა და გამოცდების ეროვნულ ცენტრში 2022 წლის 20 აგვისტოს 18:00 საათამდე.
ასევე იხილეთ:
2022 წლის რომელი აბიტურიენტებისთვის არის სავალდებულო ატესტატის წარდგენა – პროცედურული დეტალები
გაწევრიანდი ჯგუფში “აბი გლუკოზა აბიტურიენტებისთვის” და გაიგე ყველა საჭირო სიახლე
განახლებათი ინფორმაცია გამოცდების შესახებ
