ახალი ამბები

„ევროპა ჩემი თვითმიზანი კი არა, ჩემი თაობის ვალდებულებაა“ — ფერმერი ბექა გონაშვილი

„ევროპა ჩემი თვითმიზანი კი არა, ჩემი თაობის ვალდებულებაა“ — ფერმერი ბექა გონაშვილი

ფერმერი, ბიზნესმენი ბექა გონაშვილი ხელისუფლებას მწვავედ აკრიტიკებს რუსული კანონის პირველი მოსმენით მიღების გამო და ამბობს, რომ საპროტესტო აქციაზე შვილებთან ერთად გავა.

ბექა გონაშვილი, რომელსაც 3 შვილი ჰყავს, ოჯახთან ერთად ფლობს შპს „აგროქიზიყსა“ და „წერტის“ მაღაზიათა ქსელს.

ბექა გონაშვილი ფეისბუკზე წერს, რომ მისთვის გაუგებარია, პარლამენტმა 7 მაისს დაჩქარებულად რატომ მიიღოს სადავო კანონპროექტი პირველი მოსმენით მაშინ, როცა არაერთი მნიშვნელოვანი კანონპროექტის განხილვას 2-3 წელს მაინც ანდომებენ.

„ასე ცა მოწმენდილზე ასეთი დაძაბულობის შემოტანაა უკვე დანაშაული! ამ ქვეყანას დაწყნარება ჭირდებაო ვიძახით და რანაირად შეიძლება დაწყნარდეს ქვეყანა, როცა შენი მოსახლეობის პროვოკაციას შენ თითონვე აწყობ?!

სულ რომ კარგი კანონი იყოს, ამის გაკეთება რა საჭირო იყო, თანაც ასეთი სპეციალური გამწვავებით?! გამოდიხარ და იძახი, ევროპა ჩემი თვითმიზანი არააო. კარგი, შენი არაა, მაგრამ ჩვენთვისმ ვისთვისაც არის და კონსტიტუციაში მიწერია, გამოდის, კონსტიტუციურ წესრიგს არღვევ?! მაშინ ეს არის ზუსტად დანაშაული!

მაგრამ მთელ ამ პროცესში ჩემთვის დანაშაულია სპეციალურად პროვოცირებული (და ამაში ნურავინ შემეკამათებით!) პროცესი, 2 კვირაში ყველასთან შეხვედრას ვერ მოასწრებ, ხალხთან კომუნიკაციას ვერ მოასწრებ და ვერ მოასწრებ ახსნას, თუ ეს კანონი კარგია, რომ გააგებინო. სხვა მხრივ მიიღებ ამ რეაქციას, იცი! და მაინც აკეთებ! მაშინ ნუ აბრალებ ნურავის, ნურც ნაცსა და ნურც NGO-ს პროვოკაციის მოწყობაში!!!

დღეს რომ დავბრუნდები ქალაქს, მეც გავალ აქციაზე და ისევ ჩემ შვილებთან ერთად! რადგან ამდენ სიბინძურეს ამ ქვეყანაში ამდენი წელი იმიტო ვიტან, რომ ამათ არ მინდა ამაზე საფიქრალი ჰქონდეთ, ისევე როგორც თქვენ შვილებს!

ჩემი არჩევანი კი არაა ევროპა ან თვითმიზანი, ჩემი და ჩემი თაობის ვალდებულებაა ევროპა!!!

პ.ს. ბებიათქვენისამ ერთი რომელიმემ მიწოდეთ ოდესმე უცხოური გავლენის აგენტი!!!“ — წერს ბექა გონაშვილი.


საქართველოს პარლამენტის 76-მა დეპუტატმა 7 მარტის სესიაზე პირველი მოსმენით დაუჭირა მხარი რუსულ კანონპროექტს, რომლის მიზანიც ქვეყანაში მედიისა და სამოქალაქო სექტორის დისკრედიტაცია და შეზღუდვაა.

მსგავსი კანონი რუსეთში 2012 წელს მიიღეს და მას შემდეგ ქვეყანაში, ფაქტობრივად, გაქრა დამოუკიდებელი მედია და სამოქალაქო სექტორი. ისინი ჯერ „უცხოეთის აგენტებად“ გამოაცხადეს, შემდეგ კი საქმიანობაც აუკრძალეს.

კანონს საქართველოს დასავლური ინტეგრაციის შემაფერხებლად მიიჩნევენ საქართველოს დასავლელი პარტნიორები, მათ შორის, აშშ და ევროკავშირი.

საქართველოს ათასობით მოქალაქე უკვე რამდენიმე დღეა, აპროტესტებს რუსული კანონპროექტის მიღებას. მშვიდობიანი აქციის წინააღმდეგ საქართველოს ხელისუფლებამ 7 მარტის აქციაზე წიწაკის სპრეი და წყლის ჭავლი გამოიყენა. დარბევის დაწყების შემდეგ პოლიციის მიმართლებით სხვადასხვა საგნის სროლა დაიწყო აქციის მხარეს მყოფმა ადამიანთა ნაწილმა.

შსს-ს ინფორმაციით, დააკავეს 66 პირი, დაშავებულია 50-მდე პოლიციელი. ცნობები აქციის დაშავებული მონაწილეების რაოდენობის შესახებ ჯერ დაუზუსტებელია.

საქართველოში აპირებენ კანონის მიღებას „უცხოური გავლენის აგენტების“ შესახებ, რომლის მიხედვითაც ყველა მედია და არასამთავრობო ორგანიზაცია, რომელთა შემოსავლის 20%-ზე მეტი უცხოეთიდანაა, ჩაითვლება „უცხოეთის გავლენის აგენტად“.

მსგავსმა კანონმა პუტინის რუსეთში ფაქტობრივად გააქრო კრიტიკული მედია და სამოქალაქო სექტორი.

ამ კანონპროექტის მიზანია საქართველოში მოქმედი იმ მედია და არასამთავრობო ორგანიზაციების “გაშავება”, რომლებიც აკვირდებიან და აკრიტიკებენ ხელისუფლებას.

Комментарии в Facebook

NewsTbilisi

Информационное агентство NewsTbilisi было создано в 2015 году для объективного освещения политических и социально-экономических процессов на Евразийском континенте.