ჯო ბაიდენს კოვიდი კვლავ დაუდასტურდა

თეთრი სახლის ცნობით, შეერთებული შტატების პრეზიდენტ ჯო ბაიდენს მეორედ დაუდასტურდა კორონავირუსით ინფიცირება.

ექიმის თანახმად, პრეზიდენტს კოვიდ-19-ის სიმპტომები არ აქვს.

იგი თეთრ სახლში თვითიზოლაციაში იქნება.

ბაიდენს კორონავირუსი თავდაპირველად 21 ივლისს დაუდასტურდა.

26-27 ივლისს კოვიდის ტესტმა უჩვენა, რომ პრეზიდენტს აღარ უდასტურდებოდა კოვიდით ინფიცირება.