ახალი ამბები

FDA-მ კოვიდის სამკურნალო აბს ავტორიზაცია მიანიჭა

FDA-მ კოვიდის სამკურნალო აბს ავტორიზაცია მიანიჭა

დღეს, 22 დეკემბერს, ამერიკის შეერთებული შტატების საკვებისა და წამლის ადმინისტრაციამ (FDA) კორონავირუსის სამკურნალოდ შექმნილი პირველი პრეპარატის – პაქსლოვიდის გადაუდებელი გამოყენების ავტორიზაცია გასცა.

პრეპარატი ფარმაცევტული კომპანია ფაიზერის მიერაა დამზადებული და შეიცავს ერთად შეფუთულ ნირმატრელვირსა და რიტონავირს, რომლებიც ასევე ანტივირუსული ნაერთებია.

პრეპარატს მსუბუქ და საშუალო სიმძიმის ზრდასრულ ან მოზრდილ პაციენტებში გამოიყენებენ, რომელთაც დაუდასტურდებათ კორონავირუსი და იქნებიან ვირუსის გართულების, მათ შორის ჰოსპიტალიზაციისა და სიკვდილის რისკების წინაშე.

პრეპარატი გაიცემა მხოლოდ რეცეპტით და მისი მიღება პაციენტმა უნდა დაიწყოს რაც შეიძლება სწრაფად, მას შემდეგ, რაც დაუდასტურდება კორონავირუსი და გამოუვლინდება სიმპტომები.

„კორონავირუსის საწინააღმდეგო პირველი პრეპარატის ავტორიზაცია, რომელიც წარმოდგენილია აბის სახით და მიღება შესაძლებელია გადაყლაპვის გზით, არის მთავარი ნაბიჯი გლობალური პანდემიის წინააღმდეგ ბრძოლაში“, – განაცხადა პატრიცია კაცაზონიმ, რომელიც საკვებისა და წამლის ადმინისტრაციაში წამლების შეფასებისა და კვლევის ცენტრს ხელმძღვანელობს.

წამლის შემქმნელებისა და მკვლევრების განცხადებით, პრეპარატი არ არის ვაქცინაციის პროცესის შემცვლელი და ვაქცინაცია კვლავ მნიშვნელოვანია.

გადაუდებელი გამოყენების ავტორიზაცია განსხვავდება საკვებისა და წამლის ადმინისტრაციის მიერ საბოლოო დამტკიცებისგან.

სამეცნიერო მტკიცებულებებზე დაყრდნობით, საკვებისა და წამლის ადმინისტრაციამ დაადგინა, რომ საფუძვლიანია იმის დაჯერება, რომ პაქსლოვიდი შეიძლება ეფექტური იყოს მსუბუქი და საშუალო სიმძიმის კორონავირუსის შემთხვევების სამკურნალოდ შესაბამის პაციენტებში. ადმინისტრაციამ ასევე დაადგინა, რომ პაქსლოვიდის ცნობილი და პოტენციური სარგებელი, ავტორიზაციის პირობებთან შესაბამისობაში გამოყენებისას, აღემატება პროდუქტის ცნობილ და პოტენციურ რისკებს.

Комментарии в Facebook

NewsTbilisi

Информационное агентство NewsTbilisi было создано в 2015 году для объективного освещения политических и социально-экономических процессов на Евразийском континенте.