პარლამენტში საგამოძიებო კომისიის სხდომაზე მაკა ბოჭორიშვილი და გივი მიქანაძე ისაუბრებენ
25 ივნისი, 2025
საქართველოს პარლამენტში დღეს გაიმართება დროებითი საგამოძიებო კომისიის მორიგი სხდომა, რომლის თემაც შეეხება 2012-2025 წლებში საქართველოს საგარეო პოლიტიკური ინტერესების სავარაუდო დაზიანებას კონკრეტული პოლიტიკური ფიგურების ქმედებების შედეგად.
სხდომაზე მიწვეულნი არიან საქართველოს საგარეო საქმეთა მინისტრი მაკა ბოჭორიშვილი და პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარე გივი მიქანაძე.
კომისია შეისწავლის, იყო თუ არა საჯარო პირების მხრიდან ისეთი მოქმედებები ან განცხადებები, რომლებიც ეწინააღმდეგებოდა ქვეყნის დეკლარირებულ საგარეო კურსს, მათ შორის — ევროინტეგრაციასა და სტრატეგიულ პარტნიორებთან ურთიერთობებს.
მოსალოდნელია, რომ სხდომაზე საუბარი შეეხება როგორც კონკრეტულ ინციდენტებს, ისე ზოგად ტენდენციებს, რაც ბოლო წლების განმავლობაში საგარეო პოლიტიკური დისკურსის ნაწილად იქცა.
სხდომა გაიმართება პარლამენტის შენობაში და ღია იქნება მედიისთვის. დროებითი საგამოძიებო კომისია მუშაობას მიმდინარე წლის მაისში შეუდგა და მისი მანდატი რამდენიმე თვეს მოიცავს.
