IX და X კლასის ზოგიერთ სახელმძღვანელოს გრიფი მიენიჭა, ნაწილს კი უარი ეთქვა – სიები
17 ივნისს, გამოიცა განათლებისა და მეცნიერების მინისტრის ბრძანება ზოგადი განათლების საბაზო საფეხურის IX კლასისა და საშუალო საფეხურის X კლასის ზოგიერთი საგნის სასკოლო სახელმძღვანელოს მაკეტისათვის გრიფის მინიჭების შესახებ. ასევე გამოქვეყნდა ბრძანება იმ სახელმძღვანელოების შესახებ, რომელთაც უარი ეთქვათ გრიფის მინიჭებაზე.
“მიენიჭოს გრიფი ამ ბრძანების დანართით განსაზღვრულ სახელმძღვანელოების მაკეტებს”, – წერია მიხეილ ჩხენკელის ბრძანებაში, რომელსაც დანართის სახით ერთვის სახელმძღვანელოების სია, რომლებიც სკოლებს ასარჩევად გადაეგზავნებათ:
გრიფმინიჭებული სახელმძღვანელოები
ზოგადი განათლების საბაზო საფეხურის IX კლასისა და საშუალო საფეხურის X კლასის ზოგიერთი საგნის სასკოლო სახელმძღვანელოს მაკეტისათვის გრიფის მინიჭებაზე უარის თქმის შესახებ მინისტრის ბრძანებაში ვკითხულობთ, რომ გრიფის მინიჭებაზე უარი ეთქვას ამ ბრძანების დანართით განსაზღვრული სახელმძღვანელოების მაკეტებს:
გრიფის მინიჭებაზე უარნათქვამი სახელმძღვანელოები
საქართველოს ყველა სკოლა ვალდებულია ზოგადსაგანმანათლებლო საქმიანობა განახორციელოს გრიფმინიჭებული სახელმძღვანელოებით. გამონაკლისი დაიშვება კანონმდებლობით გათვალისწინებულ შემთხვევაში.
გრიფმინიჭებული სახელმძღვანელო არის სახელმძღვანელო, რომელიც განკუთვნილია ეროვნული სასწავლო გეგმით გათვალისწინებული კონკრეტული საგნის სწავლებისათვის. იგი აკმაყოფილებს გრიფის მისანიჭებლად აუცილებელ პირობებს და საქართველოს განათლებისა და მეცნიერების მინისტრის ბრძანებით, გარკვეული ვადით მინიჭებული აქვს გრიფი. ამით სახელმძღვანელო უპირატესობას იძენს ყველა დანარჩენ საგანმანათლებლო რესურსთან შედარებით და გრიფის ვადის მოქმედების განმავლობაში სასწავლო პროცესში გამოიყენება, როგორც ძირითადი საგანმანათლებლო რესურსი.
ასევე იხილეთ:
